KUMAR is the name of new restaurant newly opened in Muruj in 2015. As mentioned in their Instagram account’s bio [@kumar_kw] all the dishes are the creation of famous indian chief in London. Dishes will take your senses back to india.
Let’s begin with the decor and atmosphere, it’s small restaurant with indoors and outdoor seats. I loved the decor it’s nice in the morning light then at night there is almost no lighting other than candles, which gives mystery and romantic atmosphere to the place.
 |
كومار إسم مطعم الجديد تم افتتاحة مؤخرا في مروج في ٢٠١٥ و اللي يقدم أطباق من إبداعات أشهر طباخ هندي معروف في لندن ( كما ذكر في الاكاونت التابع للمطعم في الانستقرام [@kumar_kw] ). أطباق تسافر بحواسك إلي الهند.
بالنسبة للمكان و الديكور، المطعم صغير نسبيا و فيه قعدة داخلية و خارجية . الديكور عجبني وايد حلو بإضاءة النهار و بالليل يصير ظلمة داخل لأنة تقريبا الاعتماد علي ضوء الشموع و اللي يضيف عنصر الغموض و الرومانسية للأجواء - لو ماكو زحمة و إزعاج حزتها يعني .
المنيو كان وايد محدود عبارة عن صفحة وحدة بس فيها الاساسيات من المطبخ الهندي - إن شاء الله تكون هذي البداية بس و أتمني بالمستقبل يزيد عدد الأطباق. أكثر شي عجبني من اللي جربناه كان الباكورة اللي كان طريقة تقديمها مبتكرة مو اللي متوعدين عليها ، و لاسي المنجا لذيذ كان - أول مرة أجرب نكهة غير لاسي النعناع . و أحب اذكر شغلة : الاكل ما كان سبايسي بالمرة - ماتوقعت - لانة بالعادة في أي مطعم هندي نطلب نخفف حرارة البهارات بالطبق مو العكس - وهذي من الاشياء اللي خربت متعتي بالأكل لأنه يومها كان موت برد و أنا حنيت علي المطعم الهندي إلا نأكل فيه علشان البرد اللي احنا كنا فيه كان محتاج فلفل .
و أخيرا نوصل حق الأسعار ، الأسعار متوسطة و أشوف انها مناسبة لجودة الأكل و المكان ، بس جم طبق أحس سعرهم مبالغ فيه مثل سعر السمبوسة كانت بدينارين و شي حق قطعتين بس.
